Hüseyin jélilning xanimi kanada hökümitining yoldishini qutuldurush xizmitini kücheytishini telep qildi
2006.12.28
Kanadada chiqidighan otawa qoyashi gézitining xewer qilishiche, özbékistan hökümiti teripidin xitaygha tapshurup bérilgen kanada puqrasi hüseyin jililning ayali kamile xanim, kanada tashqi ishlar ministiri péter mekkeyning xitaygha qilmaqchi bolghan ziyaritining, yoldishining qutulushigha asanliq yaritishini ümid qilidighanliqini bildürgen.
Kanada tashqi ishlar ministiri péter mekkey ötken heptining axiri kanada si t w téléwizyisige bergen bayanatida, özining béyjing bilen otawa otturisidiki yiriklikni yumshitish üchün xitayni ziyaret qilishini pilanlawatqanliqini bildürgen idi. Lékin u xitayni qachan ziyaret qilidighanliqi toghrisida éniq melumat bermigen.
Xewerde éytilishiche, kanada hökümiti nöwette hüseyin jilil mesilside xitaygha qarshi qattiq bir pozitsiye tutmaqta. Emma hösenjan jililning ayali kamile xanim, gerche kanada hökümiti yoldishini qutuldurush mesiliside alahide tirishchanliq körsitiwatqan bolsimu, buning yéterlik emeslikini, hökümetning choqum hösenjan jililni türmide ziyaret qilish üchün xitaygha bir ömek ewetishi kéreklikini bildürmekte.
Gézitining bildürüshiche, kamile xanim xitay hökümitining hüseyin jélilni térrorchi dep eyibleshni qet'iy ret qilip, yoldishining héchqandaq xata ish qilmighanliqini bildürgen.
2006- Yili mart éyida özbékistan hökümiti teripidin tutulghan hüseyin jilil, mushu yilning iyun éyida xitaygha tapshurup bérilgen idi.
Hüseyin jililning özbékistan hökümiti teripidin xitaygha tapshurup bérilgenliki, kanada bilen özbékistan hemde kanada bilen xitay otturisidiki munasiwetlerning yirklishishige seweb bolmaqta. (Eqide)
Munasiwetlik maqalilar
- Kanada bash ministiri xu jintaw bilen körüshkende höseyin jilil mesilisini otturigha qoydi
- Xu jintaw kanada bash ministiri bilen uchrishishtin qachti
- Kanadaning xitayda turushluq bash elchisi isma'il tiliwaldi bilen körüshti
- Kanada metbu'atliri, kanada hökümitining hüseyin jélil mesilisige passip pozitsiyide boluwatqanliqini tekitlidi
- Kanada hökümiti höseyin jélilning hoquqini qoghdashqa tirishmaqta
Köp körülgen xewerler
RFA
- Istanbulda “Uyghur mehellisi” qurulushining pütüp chiqishi munasiwiti bilen échilish murasimi ötküzüldi
- Nuri türkel: “Amérikaning anamni ekélishini Uyghurlargha körsitiwatqan ghemxorluqining ipadisi, dep qaraymen”
- Toronto uniwérsitéti doklati: “Uyghur ayal kishilik hoquq qoghdighuchiliri we zhurnalistlar xitayning misli körülmigen basturushigha uchrighan”
- “Uyghur sen'et körgezmisi” ge yandashqan Uyghur qirghinchiliqi muhakime yighini bashlandi
- B d t da milletlerning wekillik qilish heq-hoquqliri muhakime qilindi