Yapuniye hökümiti Uyghur élining dawalash ishlirigha i'ane berdi

Yapuniye hökümiti Uyghur élining éli oblastidiki chaghantoqay nahiyilik doxturxanigha dawalash üskünliri sétiwélishi üchün 660 ming yüendin artuq yardem puli berdi.

Yapuniyining xitayda turushluq elchisi charshenbe küni béyjingda yapuniye hökümitige wakaliten Uyghur aptunum rayunining alaqidar da'irilirige i'ane sommisini tapshurghan hemde buning yapuniye hökümitining xelqqe menpe'et yetküzüsh programmisining bir türi ikenlikini körsetken.

Xitay da'irilirining bergen melumatlirigha qarighanda, yapuniyining xitayda turushluq elchixanisi hazirghiche Uyghur élide mana mushuninggha oxshash yardem türidin onni élip barghan bolup, buning ichide töt türi Uyghur élidiki dawalash shara'itini yaxshilash bilen munasiwetlik iken.

Éli oblastining chaghantoqay nahiyisi chégra rayun'gha jaylashqan bolup, 2004 - yili xitay teripidin 4 - derijilik chet weshara'iti müshkül rayun dep belgilen'gen. (Arzu)