Tayland melikisi, Uyghur élidiki bir mektepke pul i'ane qildi


2005.04.07
Share on WhatsApp
Share on WhatsApp

Uyghur élini ziyaret qiliwatqan tayland melikisi maxa chakri sirindorin charshenbe küni Uyghur élining namrat rayonidiki bir bashlan'ghuch mektepke 100 ming yü'en pul i'ane qildi.

Shinxu'a agéntliqining xewiridin melum bolishiche, melike sirindorin pul i'ane qilghan mektep xoten nahiyisining tusalla yézisida bolup, bu mektepte 100 din artuq oqughuchi oquydiken. Emma xewerde melike sirindorinning bu pulni qeyerde i'ane qilghanliqi tekitlenmigen.

Buning aldida, "shinjang géziti" ning xewiride, tayland melikisi sirindorinning bu qétimqi sepiride asasliqi Uyghur élining xoten wilayiti, kuchar nahiyisi we korla shehirini ziyaret qilidighanliqi körsitilgen idi.

Melike sirindorin xitay- tayland diplomatik munasiwet ornatqanliqining 30 yilliqi munasiwiti bilen düshenbe küni xitaygha qaratqan ziyaritini bashlighan. U seyshenbe küni bashlan'ghan Uyghur élidiki ziyaritide xitay hökümitining Uyghur éligha teyinligen partkom sékritari wang léchü'en bilen körüshken.Wang léchüen, taylanliqlarning Uyghur aptonum rayonini échish qurulushigha qatnishishini ümid qilidighanliqini ipadiligen.

Bu, tayland meliksi srindorinning ikkinchi qétim Uyghur élini ziyaret qilishi bolup, u tünji qétimqi sepiride asasliqi Uyghur élidiki qedimiy budda izlirini ziyaret qilghan idi. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.