Uyghur aptyonom rayonida dunya boyiche eng kichik budda ibadetxanisi tépildi

Arxé'ologlar, Uyghur aptonom rayonining chiriye nahiyisidiki topiliqdöng é'igen jayda ‎buningdin 1500 yil ilgiri yasalghan bir budda ibadetxanisini bayqidi.‎

‎ Ibadetxanining orni chiriye nahiyisige qarashliq damiko yézisining 7 kilométir nérisidiki ‎topadöngge toghra kélidiken. Ibadetxananing uzunluqi 2.25 Métir, kengliki 2 métir, ‎igizliki 1.30 Métir bolup, ibadetxanidin tépilghan budda heykilining boyi 0.65 Métir ‎kélidiken. ‎

Shinxu'a axbarat agéntliqining xewer qilishiche, mutexessisler ibadetxanining buningdin ‎‎1500 yil burun yasalghanliqini mu'ayenleshtürgen. Ibadetxana yaghach we laydin ‎qurulghan bolup, töt témigha mahayana mezhipige tewe resimler sizilghan. ‎

Shinjang arxé'ologiye inistutidiki wu shinxu'aning tekitlishiche, ibadetxana bir qeder ‎yaxshi saqlan'ghan. U, " ibadetxanidin tépilghan tam resimliri we budda heykili ‎hazirghiche teklimakandin bayqalghan esh yaxshi yadikarliqlar bolup hésablinidu," ‎deydu. ‎

Shinxu'a axbarat agéntliqining eskertishiche, ibadetxana yéqinda shu jaydiki yerlik ‎chopanlar teripidin bayqalghan. Arxé'ologlar, topidöngdiki ibadetxanining 500 gherbiyge ‎qedimqi xoten xanliqining padishah ordisi jaylashqanliqini ilgiri sürmekte. Uyghurlar ‎tarixidiki eng qedimiy döletler xoten rayonida qurulghan. (Erkin)‎