Uyghur yéza nopusi ichide 6 milyon'gha yéqin kishining ichidighan süyi bixeter emes


2005.12.04
Share on WhatsApp
Share on WhatsApp

Nöwette Uyghur élidiki yéza nopusining ichide 5 milyon 740 ming kishining ichidighan süyi bixeter bolmasliq mesilisi yenila mewjut iken.

Aptonom rayonluq suchiliq nazaritining deslepki melumatigha qarighanda, Uyghur élidiki yézilarning ichidighan süyi jehette hazir mundaq 3 mesilige duch kéliwatqan iken. Birinchi, suning bulghinish mesilisi. Ikkinchi, su arqiliq késel yuqush we yerlik késel peyda bolush. Üchinchi, suning yétishmesliki we pesil xaraktérlik su kemchil bolush mesilisi.

Su arqiliq bolidighan késellikler asasliqi, suda ftor maddisining alahide yuqiri bolushi hemde arsinliq we tuzluq su sewebidin kélip chiqidiken. Eger bundaq suni uzun muddet ichkende, söngek shalanglishish, tére raki qatarliq késellikler kilip chiqidiken.

Buningdin bashqa yene, sana'ettiki kéreksiz su, sheher turmushidiki paskina suning chiqirilishi we déhqanchiliq doriliri, ximiyiwi oghut ishlitish miqdarining üzlüksiz éshishimu, su menbesining bulghinishini éghirlashturghan. Nöwette bu ehwal yéza ahalisining salametliki üchün bir chong tehdit bolmaqta. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.