Қумул шәһиридә ешинчи әмгәк күчлирини йөткәш пилани % 87 орундилип болған


2007-07-05
Share

Хитай хәвәр вастилириниң ашкарилишичә, қумул шәһиридә ешинчи әмгәк күчлирини йөткәш пиланиниң % 87 и орундилип болған.

Хитай һөкүмитиниң ешинчи әмгәк күчлирини хитай өлкилиригә йөткәш сиясити, уйғур кишилик һоқуқ тәшкилатлири тәрипидин қаттиқ тәнқид қилиниватқан бир пәйттә, уйғур елиниң пәқәт қумул шәһиридинла , бу йил киргәндин буян 13 миң әмгәкчиниң сиртқа йөткәлгәнлики , бу сан бултурқи охшаш мәзгилидин% 16 ешип , йиллиқ пиланиниң % 87 орундалғанлиқи мәлум болмақта.

Гәрчә хитай даирилири, ешинчи әмгәк күчлирини хитай юртлиридики завутларға орунлаштуруш арқилиқ, намрат уйғур деһқанлирини һаллиқ сәвийигә йәткүзгили болидиғанлиқини тәкитләп кәлгән болсиму, әмма һәр хил учур вастилири арқилиқ ешинчи әмгәк сүпитидә ишлитиливатқан уйғур қизлириниң ечинишлиқ кәчүрмишлири ашкариланмақта.

Йеқинда йәкән наһийисидин хитай шәһиригә елип кетилгән 5 нәпәр уйғур қиз, завут мәсуллириниң һәр хил бесимлириға бәрдашлиқ берәлмәй, үрүмчигә қечип кәлгән болуп, уларниң өз юртлириға беришқа җүрәт қилалмай тәмтирәп йүргәнлики мәлум болди.

Хәвәрләргә қариғанда уйғур қизлирини хитай өлкилиригә беришқа мәҗбурлаватқан йәрлик һөкүмәт даирилири, тохтамни бузуп, муддәттин бурун қайтип кәлгән ишчиларниң қаттиқ җазалинидиғанлиқини билдүргән икән. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт