Qumul shehiride éshinchi emgek küchlirini yötkesh pilani % 87 orundilip bolghan

Xitay xewer wastilirining ashkarilishiche, qumul shehiride éshinchi emgek küchlirini yötkesh pilanining % 87 i orundilip bolghan.

Xitay hökümitining éshinchi emgek küchlirini xitay ölkilirige yötkesh siyasiti, Uyghur kishilik hoquq teshkilatliri teripidin qattiq tenqid qiliniwatqan bir peytte, Uyghur élining peqet qumul shehiridinla , bu yil kirgendin buyan 13 ming emgekchining sirtqa yötkelgenliki , bu san bulturqi oxshash mezgilidin% 16 éship , yilliq pilanining % 87 orundalghanliqi melum bolmaqta.

Gerche xitay da'iriliri, éshinchi emgek küchlirini xitay yurtliridiki zawutlargha orunlashturush arqiliq, namrat Uyghur déhqanlirini halliq sewiyige yetküzgili bolidighanliqini tekitlep kelgen bolsimu, emma her xil uchur wastiliri arqiliq éshinchi emgek süpitide ishlitiliwatqan Uyghur qizlirining échinishliq kechürmishliri ashkarilanmaqta.

Yéqinda yeken nahiyisidin xitay shehirige élip kétilgen 5 neper Uyghur qiz, zawut mes'ullirining her xil bésimlirigha berdashliq bérelmey, ürümchige qéchip kelgen bolup, ularning öz yurtlirigha bérishqa jür'et qilalmay temtirep yürgenliki melum boldi.

Xewerlerge qarighanda Uyghur qizlirini xitay ölkilirige bérishqa mejburlawatqan yerlik hökümet da'iriliri, toxtamni buzup, muddettin burun qaytip kelgen ishchilarning qattiq jazalinidighanliqini bildürgen iken. (Eqide)