Dunya Uyghur qurultiyi, yéza - kent kadirlirining siyasi üginish herikiti Uyghurlarni tizginleshke qaritilghan, dédi


2006.02.10
Share on WhatsApp
Share on WhatsApp

Xitay da'iriliri peyshenbe küni Uyghur aptonom rayoni boyiche 9 minggha yéqin memuri kentning partiye sékritarlirigha ikki yilliq siyasi telim - terbiye élip bérip, asasiy qatlam kadirlirining siyasi - idiye sapasini yuqiri kötiridighanliqini jakarlighandin kéyin, dunya Uyghur qurultiyi jüme küni xitayning bu herikiti Uyghurlarni tizginleshke qaritilghan, dep eyiblidi.

Dunya Uyghur qurultiyi bayanatchisi dilshat rishitning eskertishiche, bu , xitayning Uyghur aptonom rayonigha hökümranliq qilghandin béri élip barghan kölimi eng zor siyasi telim - terbiye heriketlirining biri bolup hésablinidiken. Dilshat rishit, kompartiye da'irilirining meqsidi " kent partiye yachika sékritarliri arqiliq asasiy qatlamdiki milliy kadirlar wepuqralarni nazaret qilish, shinjangning muqimliqi we atalmish döletning zémin pütünlikige tehdit dep qaralghan amillarni basturush" deydu.

Dilshat rishitning eskertishiche, béyjing da'iriliri Uyghur aptonom rayoni qurulghandin kéyin merkezning bezi siyasetliri Uyghurlar olturaqlashqan yerlik asasiy qatlamlarda ijra qilinmighan. Da'iriler bu ehwalgha xatime bermekchi iken. Kent partiye yachika sékritarlirining siyasi telim - terbiye kursi peyshenbe küni ürümchide bashlandi. Aptonom rayon partkomining sékritari wang léchüenning kurs bashlash murasimida, " Uyghur aptonom rayonining muqimliqi, döletning 11- besh yilliq pilanini muweppeqiyetlik orunlash - orunliyalmasliq mesilisi shinjangdiki asasi qatlam kadirlirining béyjingning siyasitini qanchilik ijra qilishigha baghliq " dep tekitligen.

Béyjing da'iriliri xitay boyiche déhqanchiliq béjining bikar qilin'ghanliqini jakarlighan bolsimu, emma közetküchilerning eskertishiche, Uyghur aptonom rayonida, déhqanlar dawalinish qiyinchiliqi, emgek hoquqi,, hashar we alwang - yasaqlar astida ézilmekte. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.