Shinjang wekili shangxeyde bölgünchi idiyidiki Uyghurche neshr boyumliri we edebiy eserlirige zerbe bérishni tekitlidi

Shangxey hemkarliq teshkilati bashliqlar yighinigha qatnashqan shinjang wekili abduraxman eli atalmish "sherqiy türkistan" térrorchiliq küchlirige zerbe bérishni tekitlep, buning qatarida bölgünchi idiyini singdürgen Uyghurche neshr boyumliri we edebiy eserlirige zerbe bérish kéreklikini bildürdi.

Abduraxman eli xitayning shinxu'a agéntliqigha " shinjang hazir 'sherqiy türkistan' térrorchi küchlirige qet'iy zerbe bérish sépige ötti" dégen. U yene, bu küchlerni yéqinqi yillardin buyan Uyghur élide türlük térrorluq we zorawanliq weqelirini sadir qildi dep eyiblidi.

Abduraxman eli sözide, térrorchi teshkilatlarning nöwette Uyghur élide zorawanliq qollinishtin özgirip idé'ologiye sahesige hujum qiliwatqanliqini bolupmu bölgünchi idiye singgen neshri eserlerni tarqitiwatqanliqini körsetti. Uning éytishiche, bu xil ehwallargha qanun arqiliq zerbe bérish zörür iken.

Abduraxman elining bu sözliridin xewerdar bolghan Uyghur közetküchiler, xitay hökümitining térrorchiliqqa qarshi turush nami bilen Uyghurlarning démokratik pa'aliyetlirini cheklepla qalmay, emdi hazir Uyghur neshriyati we edebiyatigha zerbe bérishni meqset qilghanliqini hetta bu yoldiki zerbini qanunlashturushqa urun'ghanliqini eyiblidi.

Ötken hepte shangxey hemkarliq teshkilatining 5‏-nöwetlik bashliqlar yighini shangxeyde échilip, her qaysi eza döletler birleshme bayanatida , ‏"‏3 xil küch" lerge zerbe bérishni tekitligen idi. Bu mezgilde xelq'ara kishilik hoquq közitish teshkilati shangxey hemkarliq teshkilatini kishilik hoquqqa hörmet qilishqa chaqirdi. (Peride)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar