Хитай компартийиси йәнә йеңи һәрикәт башлиди


2005.01.25
Share on WhatsApp
Share on WhatsApp

Хитай компартийисиниң уйғур районидики әң чоң әмәлдари ваң лечүән йеқинда юқири дәриҗилик әмәлдарлирини йиғип "йеңи дәвирдики партийә әзалириниң илғарлиқини сақлаш" тәрбийә паалийити елип баридиғанлиқини уқтурди.

Бейҗиңдики мәркизи тәптиш гурупписиниң башлиқи җав йүңниң назаритидә ечилған мәзкур йиғинда уйғур елидики юқири дәриҗилик хитай әмәлдарлири ху җинтавниң бу һәқтики мәхсус доклатини өгәнгән һәмдә уйғур елидә мәзкур паалийәтни орунлаштуруш лайиһисини музакирә қилған.

Ваң лечүән болса, партийә - һөкүмәт әмәлдарлириниң "йеңи дәвирдики партийә әзалириниң илғарлиқини сақлаш" тәрбийиси паалийитини қанат яйдуруш вә әстайидил яхши орунлаштурушини тәләп қилған.

Бирақ, хитай сиясий анализчилири, хитай компартийисиниң бу хил һәрикәтлири пәқәт сәпсәтидин ибарәт икәнликини, һазирға қәдәр көп қетим бу хил шәкилваз һәрикәтләр елип берилған болсиму, бирсиниңму әмәлий иҗра қилинмиғанлиқини билдүрмәктә. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.