Ikki neper olimpik tenheriket mahiri xitay saqchilirigha térror körünüp qaldi

Yultuzluq aral gézitining 13 - awghust xewiridin melum bolushiche, xongkong olimpik medeniyet meydanida saqchilar térror parakendichiliki tughdurghan.
Muxbirimiz gülchéhre xewiri
2008-08-14
Share

 Xewerde körsitilishiche, charshenbe küni seher sa'et beshte, ikki neper gérmaniyilik chewendaz, at türliri tenheriket meydanining sétkiliq témidin atlap kiriwatqanda, saqchilar ularni térrorchilar dep élip ketken.

Eslide xongkong saqchilirini sarasimige salghan bu ikki neper chewendaz, shu küni kéchide gérmaniye chewendaz komandisining bu nöwetlik olimpik musabiqiside üch altun médalgha érishkenlikini tebriklep orunlashturghan ziyapetke qatniship yanashi'ida, olimpik tenheriket mahirliri kentige qaytmaqchi bolup sim sétkiliq tamdin artilip olimpik medeniyet meydanigha kirip qalghan iken.

Saqchilarni bir mehel alaqzade qilghan bu chewendazlarning salahiyiti éniqlan'ghandin kéyin, da'iriler ulargha shinjangda partlitish weqeliri yüz bergendin kéyin, da'iriler xongkongdiki tenheriket meydanlirining bixeterlikini qoghdashta yenimu segeklikini ashurghanliqini, saqchilarning olimpik bixeterliki üchün her qandaq bir weqening aldini élishta bar küchini ishqa séliwatqanqanliqini chüshendürgen.

Xongkong 2008 - olimpikining beyge türliri ötküzülidighan muhim sheherning biri, xongkong da'iriliri ötken hepte térrorluq hujumning aldini élish üchün bixeterlik tedbirlirini yenimu chingitqanliqini, bolupmu Uyghur hem tibetlerning olimpik musabiqisi jeryanida buzghunchiliq hem térrorloq hujumlirigha taqabil turush üchün segeklikini ashurghanliqini élan qilghan idi.

Muxbirimizning xongkongdin igilishiche, nöwette xongkongda yashawatqan hemde xizmet, tijaretler bilen shughulliniwatqan Uyghurlar qattiq teqipke uchrimaqta iken.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet