Хитай сақчилири корла пойиз истансисида икки уйғур яшни қолға алди


2008-03-21
Share

Хитай сақчи даирилири алдинқи күни таң сәһәрдә уйғур елиниң корла пойиз истансисида пойизға олтуруп үрүмчи тәрәпкә кетиватқан икки уйғур яшни қолға алған.

Игилишимизгә қариғанда вәқә 20 - март күни әтигән таң сәһәрдә корла пойиз истансисида йүз бәргән болуп, 20 яки 21 яшлардики икки уйғур яш ақсу билән ләнҗу арисида қатнайдиған 2662 қетимлиқ пойизға олтуруп, үрүмчи тәрәпкә кетиватқанда хитай сақчилири тәрипидин корла бекитидә тутуп қелинған.

Вәқәдин хәвәрдар кишиләр бу икки яшниң ақсуда бир хитай йолучини өлтүрүвәткәнликини вә икки яшни қолға алған сақчиларниң ақсудин кәлгәнликини билдүрмәктә.

"Тәңритағ" ториниң бу һәқтики бир хәвиридә корла пойиз истансисида тутуп қелинған яшларниң бир хитайни булаш вәқәси билән четишлиқи барлиқини вә бу хитайниң мушу кишиләр тәрипидин өлтүрүлгән болуши мумкинликини билдүрди. Лекин хитай мәтбуатиниң хәвиридә бу яшларниң исмини тилға алмай, уларни му вә а, дәп атиған һәм бу яшларниң ақсу шәһиридики бир ашханида мулазимәтчи болуп ишләйдиғанлиқини илгири сүргән. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт