Или дәрясиниң сүйи тешип, чарвичиларға зиян елип кәлди

Хәвәрләргә қариғанда или дәрясида қетип қалған муз парчилири тәсиридин дәря сүйиниң өрләп кетишигә сәвәп болған вә 50 йилдин буян көрүлүп бақмиған шүрмәл ташқини мәйданға кәлгән.

Тәңритағ тори 22 ‏- декабир күни шүрмәл ташқини түпәйли су орниниң көтүрүлүп дәря еқини һасил қилғанлиқи, бу сәвәбтин дәрядики икки көврүктә қатнаш тохтап қалғанлиқи шуниңдәк или дәрясиниң текәстики 8 километирлиқ бөликидә кәң көләмлик шүрмәл муз тосмиси пәйда болуп, дәря еқини өзгирип кәткәнликини хәвәр қилған. Бирақ дәря бойидики аһалиләр дуч кәлгән қийинчилиқлар тилға елинмиған.

Биз или дәрясиниң текәс бөлики әтрапиға җайлашқан аһалиләрни телефун арқилиқ зиярәт қилип, дәря еқининиң бу райондики деһқан вә чарвичиларға еғир зиян елип кәлгәнликидин хәвәр таптуқ.

Мәлум болушичә, текәс районидики бир қисим аһалиниң өй вә қотанлирини су елип кәткән болуп, чарва маллири вә өй бисатлирини орунлаштуридиған җай тапалмиған. (Әқидә)