Ili deryasining süyi téship, charwichilargha ziyan élip keldi

Xewerlerge qarighanda ili deryasida qétip qalghan muz parchiliri tesiridin derya süyining örlep kétishige sewep bolghan we 50 yildin buyan körülüp baqmighan shürmel tashqini meydan'gha kelgen.

Tengritagh tori 22 ‏- dékabir küni shürmel tashqini tüpeyli su ornining kötürülüp derya éqini hasil qilghanliqi, bu sewebtin deryadiki ikki köwrükte qatnash toxtap qalghanliqi shuningdek ili deryasining tékestiki 8 kilométirliq bölikide keng kölemlik shürmel muz tosmisi peyda bolup, derya éqini özgirip ketkenlikini xewer qilghan. Biraq derya boyidiki ahaliler duch kelgen qiyinchiliqlar tilgha élinmighan.

Biz ili deryasining tékes böliki etrapigha jaylashqan ahalilerni téléfun arqiliq ziyaret qilip, derya éqinining bu rayondiki déhqan we charwichilargha éghir ziyan élip kelgenlikidin xewer taptuq.

Melum bolushiche, tékes rayonidiki bir qisim ahalining öy we qotanlirini su élip ketken bolup, charwa malliri we öy bisatlirini orunlashturidighan jay tapalmighan. (Eqide)