Или дәря вадисини ечишқа 12 милярд 900 милйон йүән аҗритилған


2006.03.05
Share on WhatsApp
Share on WhatsApp

Хитай даирилири уйғур елиниң или дәря вадисини ечиш ишлири үчүн 12 милярд 900 милйон йүән мәбләғ аҗратқан.

Тәңритағ хәвәр ториниң мәлум қилишичә, или дәря вадисини ечиш бу қурулуши хитайниң йәр-зиминни ечип рәткә салидиған йәттә чоң қурулушиниң бири икән. Бу қурулуш бойичә, или вадисидики йәттә наһийидики бир қисим районлар йеза-игиликигә бап келидиған запас йәр байлиқи қилип өзгәртилидикән. Шундақла бу қурулуш бу йилниң кейинки йеримида иш башлинип, келәр йилиниң ахирида тамамлинидикән.

Хәвәрдә көрситилишичә йәнә, хитай һөкүмитиниң уйғур елидә ачмақчи боливатқан зиминлири или вадисидин сирт йәнә, уйғур елиниң шималий вә җәнубидики бир қисим тағ бағри бостанлиқ районлири икән. Хитайниң дөләтлик зимин байлиқи министирлиқиниң орунлаштурулиши билән елип берилған бу пиланда уйғур елидики 6 нуқтилиқ райондики бостанлиқлар, йеза-игилик йәрлири қилип ечилидикән.

Әмма хитайниң уйғур елидә елип бериватқан йәр ечиш һәрикити изчил көп қисим уйғурларниң наразилиқини қозғап кәлгән болуп, улар хитайниң пилансиз елип бериватқан бу қурулушиниң йәрлик муһитқа еғир бузғунчилиқ көрситипла қалмай, техиму көп хитай көчмәнлириниң уйғур елигә йәр ечишқа келишигә түрткә болидиғанлиқини көрсәтмәктә. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.