Awistraliye ürümchide pilanliq tughut we kishilik hoquqni qoghdash muhakime yighini ötküzdi


2006.05.04

Xitay pilanliq tughut kométiti bilen awistraliye kishilik hoquq kométiti yéqinda ürümchide, pilanliq tughut,köpiyish saghlamliqi we kishilik hoquqni qoghdash muhakime yighini ötküzgen.

Tengritagh xewer torining bu heqte bergen xewirige qarighanda, bu qétimqi muhakime yighini, xitayning ottura gherbiy rayonidiki ayallarning köpiyish saghlamliqini qoghdash türining muhim bir qismi hésablinidiken.

Xewerde yene, bu qétimqi yighinning asasiy meqsidi, xitayning ottura gherbiy rayonliridiki ayallarning köpiyish saghlamliqini qoghdash türi her derijilik nopus we pilanliq tughut bashqurush tarmaqliri, mulazimetchiliri we keng ammining kishilik hoquq éngi we ayallarning köpiyish saghlamliqini qoghdash éngini östürüshni asas qilghan déyilgen bolup,, bu, tür 2005 ‏-yili 1 ‏-aydin bashlap ichki mongghul, yünnen, jyangshi, ningsha qatarliq alte ölke, aptonom rayonda yolgha qoyulghanliqi qeyt qilin'ghan.

Biraq dunya Uyghur qurultiyining bayanatchisi dilshat rishit, yighinda déyilgen mesililerning héchqachan yolgha qoyulmaydighanliqini bildürüp, nöwette kishilik hoquq pa'aliyetchisi rabiye qadir xanim we bashqa Uyghur teshkilatliri Uyghur ayalliri üstide élip bériliwatqan pilanliq tughut siyasitining mahiyitini dunya jama'etchilikige ashkarilighandin buyan, kishilik hoquq teshkilatlirining bu mesilige bolghan sezgürliki bir qeder ashqanliqini, biraq awistraliye kishilik hoquq komitéti sherqiy türkistanda élip bériliwatqan pilanliq tughut siyasitining heqiqiy mahiyitidin toluq xewerdar bolmighachqa, xitay hökümiti özliri teyinligen pilanliq tughut xadimliri arqiliq doklat teyyarlap, awistraliye kishilik hoquq kométitining közini buyashqa urun'ghanliqini körsitip ötken.

Dilshat rishit sözide yene, mezkür qurulush boyiche otturigha qoyuluwatqan pilanliq tughut, köpiyish saghlamliqi xizmitining héchqachan toghra ijra qilinmaywatqanliqini, bezi yézilarda tibbiy sahedin qilche xewiri yoq kishilerning Uyghur ayalliri üstidin pilanliq tughut opiratsiyisi élip bériwatqanliqini tekitlidi. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.