D u q béyjingning Uyghur élide "döletni parchilashqa qarshi qanun" ni teshwiq qilghanliqini eyiplidi


2005.05.05
Share on WhatsApp
Share on WhatsApp

Dunya Uyghur qurultiyi béyjing hökümitining teywen gomindang partiyisining re'isi lyen jen xitayni ziyaret qilghan pursettin paydilinip, Uyghur élide keng kölemde " döletni parchilashqa qarshi qanun" ni teshwiq qilish herikiti élip barghanliqini eyiplidi.

Qurultay bayanatchisi dilshat rishitning bildürüshiche, lyen jen xitayni ziyaret qilghandin kiyin, xitay hökümiti Uyghurlar topliship olturaqlashqan qeshqer, xoten, atush qatarliq jaylarda " döletni parchilashqa qarshi qanuni" ni keng kölemde teshwiq qilip, yerlik puqralarni uni öginishke zorlighan.

Uning tekitlishiche, Uyghur élidiki xitay metbu'atlirimu lyen jenning xitayni ziyaret qilishi "xitayning döletni parchilashqa qarshi qanunining toghriliqini ispatlidi" dep xewer qilghan.

Chet'el mutexessisliri xitayning ötken ayda maqullighan " döletni parchilashqa qarshi qanuni" asasliqi teywenning resmiy musteqilliq élan qilishining aldini élish üchün chiqirilghan dep qarighan idi. Emma dilshat rishit, xitay hökümitining " birlikke keltürüsh qanuni" emes belki " döletni parchilashqa qarshi qanun" ni chiqirishining emeliyette " Uyghur we tibetlergimu" qaritilghanliqini körsetti. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.