Уйғур елидә интернет тор понкитлириниң 95٪ и хитайчә чиқидикән


2005-05-25
Share

Уйғур елидики интернет тор понкити техникисиниң хитай бойичә алдинқи орунда туридиғанлиқи көз-көз қилиниватқан мәзгилдә, бу йәрдә чиқидиған интернет тор понкитлириниң 95٪ иниң хитайчә чиқидиғанлиқи мәлум болди.

Тәңритағ хәвәр ториниң мәлум қилишичә, пүтүн уйғур елидә җәмий 1777 тор понкити бар болуп, буниң 95٪ и йәни 1689 и хитайчә тор понкитлири икән. Миллий тиллардики тор понкитлиридин аран 88 и бар болуп, униң ичидә 66 си уйғурчә, 17 си қазақчә вә 5 и қирғизчә чиқидикән.

Гәрчә мәзкур хәвәрдә, уйғур ели интернет техникисиниң хитай бойичә алдинқи орунда туруп, кишиләрниң интернеттин пайдилинишиниң барғансери қолайлишишиватқанлиқи көрситилгән болсиму, әмма радиомизниң һәқсиз линийисигә телефон қилған нурғун уйғурлар, хитайниң интернеткә болған контроллуқиниң уйғур елидә алаһидә қаттиқ боливатқанлиқини, шу сәвәбтин һазир уйғур яшлириниң интернеттин пайдилинишиниң пәқәт интернет чайханилирида параңлишиш биләнла чәклинип қеливатқанлиқини билдүрди.

Әркин асия радиосиниң гваңдоң тили бөлүминиң хәвиридин мәлум болушичә, хитай һөкүмити йәнә, интернет контроллиқини күчәйтиш үчүн 80 милярд юән хираҗәт аҗратмақчи икән. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт