Uyghur élide intérnét tor ponkitlirining 95٪ i xitayche chiqidiken


2005-05-25
Share

Uyghur élidiki intérnét tor ponkiti téxnikisining xitay boyiche aldinqi orunda turidighanliqi köz-köz qiliniwatqan mezgilde, bu yerde chiqidighan intérnét tor ponkitlirining 95٪ ining xitayche chiqidighanliqi melum boldi.

Tengritagh xewer torining melum qilishiche, pütün Uyghur élide jem'iy 1777 tor ponkiti bar bolup, buning 95٪ i yeni 1689 i xitayche tor ponkitliri iken. Milliy tillardiki tor ponkitliridin aran 88 i bar bolup, uning ichide 66 si Uyghurche, 17 si qazaqche we 5 i qirghizche chiqidiken.

Gerche mezkur xewerde, Uyghur éli intérnét téxnikisining xitay boyiche aldinqi orunda turup, kishilerning intérnéttin paydilinishining barghanséri qolaylishishiwatqanliqi körsitilgen bolsimu, emma radi'omizning heqsiz liniyisige téléfon qilghan nurghun Uyghurlar, xitayning intérnétke bolghan kontrolluqining Uyghur élide alahide qattiq boliwatqanliqini, shu sewebtin hazir Uyghur yashlirining intérnéttin paydilinishining peqet intérnét chayxanilirida paranglishish bilenla cheklinip qéliwatqanliqini bildürdi.

Erkin asiya radi'osining gwangdong tili bölümining xewiridin melum bolushiche, xitay hökümiti yene, intérnét kontrolliqini kücheytish üchün 80 milyard yu'en xirajet ajratmaqchi iken. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet