Xitay da'iriliri ürümchide "qattiq zerbe bérish" herikitining da'irisini intérnétke kéngeytti
2007.02.16
Xitay da'iriliri Uyghur aptonom rayonining merkizi ürümchide " qattiq zerbe bérish" herikitini internet we köchme téléfon qatarliq zamaniwi alaqe sahesige qaritidighanliqini élan qildi.
Ürümchi sheherlik partkom siyasi qanun komitétitining sékrétari lüy déshyang yéqinda ürümchidiki edliye organlirini mes'ullirigha yighin échip, "tor betliridiki jinayi heriketler bu yilqi qattiq zerbe bérish herikitining yéngi nishanigha aylinidighanliqini" bildürgen. U, " tor betlirini közitish, zerbe bérish we kontrolni kücheytishni" tekitlidi.
Lüydéshyang, " alaqe qoralliridin paydilinip élip bérilidighan her xil jinayi heriketlerge qattiq zerbe bérish kérek" deydu. Kishilik hoquq teshkilatliri xitay hökümitining Uyghur aptonom rayonida yolgha qoyuwatqan " qattiq zerbe bérish" herikiti asasliqi Uyghurlargha qaritilghanliqini bildürmekte.
Kishilik hoquqni közitish teshkilati bu heqtiki bir bayantta, "qattiq zerbe bérish" herikiti Uyghurlarni xalighanche tutqun qilish, qanun tertiplerge uyghun bolmighan usullarda sotlash, ten jazasi bérish we ölüm jazasigha höküm qilish qatarliq kishilik hoquqqa xilap weqelerning yüz bérishini keltürüp chiqarmaqta, dep eyibligen. Junggoda xitaylardin qalsa, milliy til yéziqtiki tor béti eng köp millet Uyghurlar bolup hésablinidu.
Küzetküchiler, " qattiq zerbe bérish" herikitining nishanini tor betlirige qaritish, pikir erkinliki eslidinla xilmu - xil tosalghulargha uchrawatqan Uyghur aptonom rayonida kishini téximu chongqur endishige salidighan heriket, dep qarimaqta. (Erkin)
Munasiwetlik maqalilar
- Xitay hökümiti qaghiliq nahiyiside sirt bilen alaqisi pütünley üzülgen herbiy tüzümde idare qilinidighan amanliqni saqlash etriti qurghan
- Xitay qanun tarmaqliri Uyghurlarni basturushni qanunlashturmaqta
- Isma'il tiliwaldi"3 xil küchke zerbe bérish " siyasitini yene bir qétim otturigha qoydi
- Xitay saqchiliri sherqi türkistan térrorchilirining yoshurunuwalghanliqini bildürdi
- Xitay özining térrorluq heriketlerge qattiq zerbe béridighanliqini yene bir qétim jakarlidi