Хитайдики мунасивәтлик орунлар шинҗаң қолмақ сода гуруһиға иқтисадий ярдәм бәрди


2004.11.03
Share on WhatsApp
Share on WhatsApp

Хитайдики 8 чоң пул муамилә орунлири мәхсус пул аҗритип, шинҗаң қолмақ гуруһиниң түзүлмисини қайта өзгәртишигә ярдәм қилди.

Шинхуа пул-муамилә тор бетидә елан қилинған хәвәрдә мәлум болушичә, шинҗаң қолмақ гуруһиға иқтисадий ярдәм бәргән бу орунлар йәнә, илгири мәзкур ширкәткә қәрз бәргән орунлар болуп, улар хитай шинда гуруһи, хитай сода-санаәт банкиси, қурулуш банкиси, йеза-игилик банкиси, қатнаш банкиси, шенҗен тәрәққият банкиси вә үрүмчи шәһәрлик сода банкиси қатарлиқлар икән.

Хәвәрдә мәлум болушичә, шинҗаң қолмақ ширкити бу пуллар билән қәрзлирини төләп, ширкәтниң түзүлмисини башқидин өзгәртиш ишлирини вақтида елип баридиғанлиқини вәдә қилди. Әмма хәвәрдә қолмақ гуруһиниң җәмий қанчилик ярдәм пулиға еришкәнлики ениқ көрситилмигән.

Шинҗаң қолмақ гуруһиниң баш дериктори әкрәм әйсайофниң өткән йили 11 - айда йоқап кетиши билән, бу ширкәт вәйран болғанлиқини җакарлиған болуп, мәлум болушичә, қолмақ ширкити илгири юқирқи орунлардин тәхминән 941 милйон юән қәрз пули алған икән. Әмма хәвәрдә әкрәм әйсайофниң из-дерики тоғрисида бир немә дейилмигән.

Хитай һөкүмити илгири бу ширкәтниң мәвҗутлиқини сақлап қелиш үчүн мунасивәтлик орунларниң йеқиндин ярдәм беришини көп қетим тәкитлигән иди. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.