Xitay, Uyghur élining xitay iqtisatidiki ornigha ehmiyet bermekte


2005.09.18
Share on WhatsApp
Share on WhatsApp

Shinxu'a agéntliqi yéqinda bir parche xewer élan qilip, Uyghur élining xitay iqtisatida barghanséri muhim orunni igilewatqanliqini, shundaqla xitayning kelgüsi 5-10 yilghiche bolghan ariliqta, Uyghur élini xitaydiki eng chong néfit ishlepchiqirish bazisigha aylandurushqa teyyarliniwatqanliqini bildürdi.

Xewerde yene, ottura asiyagha xoshna bolghan istratégiyilik ehmiyetke ige Uyghur élining, mol kan we énérgiye bayliqigha ige ikenliki, shundaqla xitayning pilani boyiche, 2010 - yiligha barghanda, Uyghur élining néfit ishlepchiqirish miqdari 35 milyon tonnigha yétip, xitay omumiy néfit miqdarining yérimini igileydighanliqi yézilghan.

Xitay hökümiti, ötken yili pütüp ishqa kirishken gherbtiki gazni sherqqe yötkesh gaz turubisi arqiliq Uyghur élining gaz bayliqini, xitayning ichkiri ölkirilirige yötkesh miqdarini künsayin ashuriwatqan bolup, shinxu'a agéntliqi xewiride hetta, "Uyghur éli qedimqi 'yipek yoli' din hazir 'néfit yoli' gha qarap özgiriwatidu" dep yazghan.

Emma Uyghur közetküchiler, xitayning gherbni échish siyasitidin xitaylar özliri payda éliwatqanliqini tekitlep, Uyghur élidiki énérgiye bayliqliridin yerlik xelqlerning qanchilik payda körishige guman bilen qarimaqta. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.