Ваң гуаңтав: шинҗаң иқтисади үрүмчи билән санҗиға тайиниши керәк


2006.03.24
Share on WhatsApp
Share on WhatsApp

Хитай һөкүмити нопусиниң көп қисими хитайларни асас қилған үрүмчи билән санҗини иқтисади бир гәвдигә айландүрүш вә бу районларниң уйғур аптоном райони иқтисадиики йитәкчилик ролини күчәйтишкә әһмийәт бәрмәктә. Хитай қурулуш министирлиқиниң министири ваң гуаңтав пәйшәнбә күни үрүмчи вә санҗиларда тәкшүрүш елип берип, бир җайниң иқтисади тәрәққият басқучида тайинишқа тегишлик болған иқтисадий ядро күчи 'шинҗаң' да үрүмчи билән санҗи, дәп көрсәтти.

" Үрүмчи кәчлик гезити" ниң хәвәр қилишичә, ваң бу қетим уйғур аптоном районини зиярәт қилишитики муһим вәзипилириниң бири, үрүмчи билән санҗи иқтисадини бир гәвдиләш мәсилиси үстидин тәкшүрүш елип бериш икән. У, " бир җайниң иқтисади тәрәққияти мәлум басқучта чоқум ядроға тайиниши керәк. Шинҗаңда бу ядро шүбһисизки, үрүмчи билән санҗи " дәйду. Көзәткүчиләрниң әскәртишичә, ваңниң сөзи, хитайниң бу районларниң асаси қурулушиға вә нопус һәзим қилиш иқтидарини күчәйтишигә мәбләғ салидиғанлиқини көрсәтмәктә.

Уйғур аптоном райониниң сиясий вә сода санаәт мәркизи һесаблинидиған үрүмчидә нопусниң тәхминән 90 % дәк қисимини хитайлар игилисә, санҗида уйғурларниң нопуси 5 % гиму йәтмәйду. Көзәткүчиләр , бу әһвал районда җайлар оттурисидики иқтисади тәрәққият пәрқини техиму рошәнләштүрүветидиғанлиқини, қәшқәр қатарлиқ уйғурлар көп санлиқни игиләйдиған районлар ниң техиму кәйнидә қалидиғанлиқини агаһландурмақта.

Америка ташқий ишлар министирлиқиниң йеқинда елан қилған кишилик һоқуқ доклатида, хитайниң шинҗаң иқтисадини ечиш пиланидин хитай көчмәнлириниң һөкүмәт сиясити астида бир тәрәплимилик бәһриман болуватқанлиқини язған. Ваң гуаңтав пәйшәнбә күни аптоном районниң муавин рәиси яң гаң, әркин имирбақи, нурлан абдумәҗин, нәйим ясин вә хе йимиңларниң һәмралиқида үрүмчи вә санҗиниң шәһәр пиланлаш лайиһисини көрди. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.