Wang gu'angtaw: shinjang iqtisadi ürümchi bilen sanjigha tayinishi kérek


2006.03.24
Share on WhatsApp
Share on WhatsApp

Xitay hökümiti nopusining köp qisimi xitaylarni asas qilghan ürümchi bilen sanjini iqtisadi bir gewdige aylandürüsh we bu rayonlarning Uyghur aptonom rayoni iqtisadi'iki yitekchilik rolini kücheytishke ehmiyet bermekte. Xitay qurulush ministirliqining ministiri wang gu'angtaw peyshenbe küni ürümchi we sanjilarda tekshürüsh élip bérip, bir jayning iqtisadi tereqqiyat basquchida tayinishqa tégishlik bolghan iqtisadiy yadro küchi 'shinjang' da ürümchi bilen sanji, dep körsetti.

" Ürümchi kechlik géziti" ning xewer qilishiche, wang bu qétim Uyghur aptonom rayonini ziyaret qilishitiki muhim wezipilirining biri, ürümchi bilen sanji iqtisadini bir gewdilesh mesilisi üstidin tekshürüsh élip bérish iken. U, " bir jayning iqtisadi tereqqiyati melum basquchta choqum yadrogha tayinishi kérek. Shinjangda bu yadro shübhisizki, ürümchi bilen sanji " deydu. Közetküchilerning eskertishiche, wangning sözi, xitayning bu rayonlarning asasi qurulushigha we nopus hezim qilish iqtidarini kücheytishige meblegh salidighanliqini körsetmekte.

Uyghur aptonom rayonining siyasiy we soda sana'et merkizi hésablinidighan ürümchide nopusning texminen 90 % dek qisimini xitaylar igilise, sanjida Uyghurlarning nopusi 5 % gimu yetmeydu. Közetküchiler , bu ehwal rayonda jaylar otturisidiki iqtisadi tereqqiyat perqini téximu roshenleshtürüwétidighanliqini, qeshqer qatarliq Uyghurlar köp sanliqni igileydighan rayonlar ning téximu keynide qalidighanliqini agahlandurmaqta.

Amérika tashqiy ishlar ministirliqining yéqinda élan qilghan kishilik hoquq doklatida, xitayning shinjang iqtisadini échish pilanidin xitay köchmenlirining hökümet siyasiti astida bir tereplimilik behriman boluwatqanliqini yazghan. Wang gu'angtaw peyshenbe küni aptonom rayonning mu'awin re'isi yang gang, erkin imirbaqi, nurlan abdumejin, neyim yasin we xé yiminglarning hemraliqida ürümchi we sanjining sheher pilanlash layihisini kördi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.