Kéler hepte ürümchide ottura asiya rayoni iqtisadiy hemkarliq programmisining yéghini ötküzülidu


2006-10-16
Share

Ottura asiya rayoni iqtisadiy hemkarliq programmisining 5‏- nöwetlik ministirlar yéghini kéler hepte ürümchide ötküzülmekchi.

Xewerlerge qarighanda, bu yéghin jeryanida ottura asiya rayoni iqtsadiy hemkarliq programmisigha eza afghanistan, ezerbeyjan, xitay, qazaqistan, qirghizistan, mongghuliye, tajikistan we özbékistan qatarliq 8 dölet wekilliri hemde yawrupa qurulush we tereqqiyat bankisi, islam tereqqiyat bankisi, dunya banksi, b d t tereqqiyat programmisi qatarliq alte xelq'ara teshkilatning wekilliri öz-ara hemkarliqning da'irisini téximu kéngeytish üchün yéngi qararlar qobul qilidiken.

Ottura asiya rayoni iqtisadiy hemkarliq programmisi 1997‏- yili pa'aliyet bashlighan bolup, uning asasliq meqsiti ottura asiya rayonida iqtisadiy hemkarliqni kücheytish arqiliq rayonda yashawatqan xelqlerning turmush sewiyisini yuqiri kötürüsh we namratliqni azaytish shundaqla rayonda soda- tijaret, qatnash we her türlük xelqning turmushi bilen munasiwetlik tereqqiyat programmilirini meblegh bilen teminleshtin ibaret.

Xewerlerge qarighanda, 5‏- nöwetlik minsitirlar yéghinida eza dölet we teshkilat wekilliri, programmining kélerki yillarda élip baridighan pa'aliyetlirini éniqlap, rayondiki döletler otturisidiki hemkarliqni téximu kücheytish mesilisini muzakire qilidiken.

Mutexesssilerning éytishiche, eger ottura asiya rayonidiki döletler iqtisadiy islahatni dégendek élip barsa shundaqla öz-ara iqtsadiy hemkarliqini kücheytse, 2015 ‏- yiligha barghanda mezkur rayon döletliride yashawatqan xelqning yilliq kirimi ikki hesse köpiyishi mumkin iken. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet