Uyghur diyarida iqtisadiy délolar köpeymekte

Tengritagh torining peyshenbe küni bergen xewirige qarighanda, bu yil Uyghur diyarida iqtisadiy jinayet déloliri intayin köp sadir bolghan bolup, ashkarilan'ghan délolarning iqtisadi qimmiti 21 milyard somdin ashqan.

Xewerdin melum bolushiche, bu yil 1 - aydin 11 - ayghiche Uyghur diyari boyiche 1269 qétim iqtisadiy dilo sadir bolghan, dilo sadir qilghuchilar asasen xizmet qolayliqidin paydilinip baj oghrilash, yalghan talon yasash qatarliq yollar arqiliq hökümetning iqtisadigha tesir körsetken.

Biraq közetküchilerning bildürüshiche, xewerde tilgha élin'ghan délolar, Uyghur diyarida ashkarilan'ghan iqtisadiy déloning intayin az bir qismi bolup, adette xizmitidin we emilidin paydilinip iqtisad toplighan xitay emeldarlar intayin köp iken, ular qanun boyiche bir terep qilinmighandin sirt, xiyanet qilghan pullirini ichkiri ölkilerge yötkep kétidiken. Emma xitay hökümitige yaqmighan Uyghur emeldarlar bolsa iqtisadiy jinayet sadir qilghan dégen qalpaq bilen derhal jazalinidiken.

Uyghur aptonum rayonining mu'awin re'isi aman haji, wangléchü'enning biwaste qol téqishi bilen, iqtisadiy jinayetchi qalpiqini kiyip xitay türmisige tashlan'ghan iken. (Eqide)