Хитай йопурғини хитай һәтта дуня бойичә ишәк сүти мәһсулатлири базиси қилғанлиқини елан қилди
Хитай һөкүмитиниң авази һесаблинидиған шинҗаң хәлқ радио истансисиниң хитай тилидики ахбарат торида хәвәр қилинишичә, йопурға наһийисини база қилған мәхсус ишәк сүти мәһсулатлирини тәйярлаш ширкити өзиниң бир йүрүш мәһсулатлирини һазирлап чиққан һәмдә 6000 қап ишәк сүти парашокиға тохтам түзгән.
Хәвәрдә көрситилишичә, бу ширкәт дөләтниң сүтлүк йемәкликләр өлчимигә асасән микропсизландурулған ишәк сүти ишләп чиқириш сехи қуруп вә бу саһәдики тәтқиқатларни күчәйтиш арқилиқ хитай бойичә һәтта дуня бойичә ишәк сүти мәһсулатлирини ишләп чиқириш бошлуқини толдурған.
Өткән йили тәңри тағ хәвәр тори йопурға наһийисиниң ишәк бақмичилиқ фермилирини қурушқа вә униң гөшини тәйярлаш ишлириға алаһидә көңүл бөлүп, бу ишларни өсүмсиз қәрзләр билән тәминлигәнлики, йопурға наһийисиниң һәр йили пүтүн хитай вә уйғур елини 120 миң тонна ишәк гөши билән тәминлигәнликини һәтта, "бу наһийигә ишәкләр юрти" дәп нам берилгәнликини хәвәр қилған иди.
Ишәк гөши йейиш вә ишәк сүти ичиш мусулманлар тәрипидин чәкләнгән болсиму, әмма бу җайда қилиниватқан бу ишларниң уйғурларниң наразилиқлирини қозғаватқанлиқи мәлум. (Үмидвар)
