Хитай ширкәтлири ишәк сүтини үрүмчи базарлириға елип кирди


2006-12-26
Share

Хитай ширкәтлири ишәк сүтини үрүмчи базарлириға елип киришкә башлиди.

Шинҗаң хәвәр ториниң учуридин мәлум болушичә, шинҗаң даванкун чарва-биологийә техника һәссидарлиқ ширкити дәп аталған мәхсус ишәк сүти мәһсулатлирини ишләп чиқиридиған ширкәт өзлириниң бир йүрүш мәһсулатлирини үрүмчи базарлириға елип киргәнликини елан қилған.

Хәвәрдә көрситилишичә, һазир мәзкур ширкәт ишәк сүти мәһсулатлирини үрүмчидә сетишниң тәйярлиқ хизмәтлирини елип бериватқан болуп, пат йеқинда үрүмчидики қавақханилар, дорихана вә мәхсус сетиш орунлирида ишәк сүти паршоки қатарлиқларни өз ичигә алған мәһсулатлар сетилишқа башлинидикән.

Хәвәргә асасланғанда, хитай даирилири йопурға наһийисини" җуңгониң ишәкләр юрти" дәп атиған болуп, һазир бу наһийидә мәхсус ишәк сүти мәһсулатлирини ишләйдиған завут қурулған һәм бақмичилиқ мәйданлири тәсис қилинған болуп, һәр күни 10 тонна ишәк сүти сәғилидикән. юқирида нами аталған ширкәт мәхсус ишәк сүти мәһсулатлирини ишләп чиқириш вә тәқиқ қилиш билән шуғуллунуп, пүтүн хитайни тәминләшни пиланлиған.

Бирақ, исмини ашкарилашни халимиған уйғурларниң инкас қилишичә,

Ишәк сүти ичиш вә уни тәйярлаш мусулманлар тәрипидин чәкләнгән болғачқа, бу уйғурларниң өрп-адәтлиригә уйғун әмәс. Хитай содигәрлириниң пул тепиш үчүн уйғур юртида мундақ уйғурларниң өрп-адәтлиригә хилап ишларни қилишиға наразилиқ инкаслирини билдүрүшкә амалсиз қалған. (Үмидвар)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт