Xitay shirketliri ishek sütini ürümchi bazarlirigha élip kirdi


2006-12-26
Share

Xitay shirketliri ishek sütini ürümchi bazarlirigha élip kirishke bashlidi.

Shinjang xewer torining uchuridin melum bolushiche, shinjang dawankun charwa-bi'ologiye téxnika hessidarliq shirkiti dep atalghan mexsus ishek süti mehsulatlirini ishlep chiqiridighan shirket özlirining bir yürüsh mehsulatlirini ürümchi bazarlirigha élip kirgenlikini élan qilghan.

Xewerde körsitilishiche, hazir mezkur shirket ishek süti mehsulatlirini ürümchide sétishning teyyarliq xizmetlirini élip bériwatqan bolup, pat yéqinda ürümchidiki qawaqxanilar, dorixana we mexsus sétish orunlirida ishek süti parshoki qatarliqlarni öz ichige alghan mehsulatlar sétilishqa bashlinidiken.

Xewerge asaslan'ghanda, xitay da'iriliri yopurgha nahiyisini" junggoning ishekler yurti" dep atighan bolup, hazir bu nahiyide mexsus ishek süti mehsulatlirini ishleydighan zawut qurulghan hem baqmichiliq meydanliri tesis qilin'ghan bolup, her küni 10 tonna ishek süti seghilidiken. Yuqirida nami atalghan shirket mexsus ishek süti mehsulatlirini ishlep chiqirish we teqiq qilish bilen shughullunup, pütün xitayni teminleshni pilanlighan.

Biraq, ismini ashkarilashni xalimighan Uyghurlarning inkas qilishiche,

Ishek süti ichish we uni teyyarlash musulmanlar teripidin cheklen'gen bolghachqa, bu Uyghurlarning örp-adetlirige uyghun emes. Xitay sodigerlirining pul tépish üchün Uyghur yurtida mundaq Uyghurlarning örp-adetlirige xilap ishlarni qilishigha naraziliq inkaslirini bildürüshke amalsiz qalghan. (Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet