Uyghur élide mektep püttürüp, ishqa orunlishalmighanlarning sani 61 ming 300 ge yetti

Tengritagh tor bétining xewer qilishiche, Uyghur élide aliy mektep we ottura téxnikomni püttürgen oqughuchilarning omumiy sani 131 ming 200 ge yetken. Buning ichide aran 69 ming 900 i ishqa orunliship bolghan. 61 Ming 300 i téxi ishqa orunlishalmighan.

Xewerde, ishqa orunlishalmighan aliy mektep we ottura téxnikomni püttürgen oqughuchilar sani 2004 ‏- yilidiki 104 mingdin 41% azayghanliqi bayan qilin'ghan. Lékin bu melumatning qaysi organning statistikisigha asaslan'ghanliqi bildürülmigen.

Tengritagh tor béti xewiride shundaqla, ishqa orunlashqan aliy mektep we ottura téxnikomni püttürgen oqughuchilarning milliti we jinsi heqqide héchqandaq melumat bermigen. Uyghur élide aliy mektep we ottura téxnikomni püttürgen nurghunlighan Uyghur oqughuchilar ishqa orunlishish mesiliside nahayiti chong qiyinchiliqlargha uchrawatqanliqi we xitay tilini yaxshi bilmigenlerning ishqa orunlishish imkaniyitining asasen qalmighanliqidin shikayet qilmaqta. (Qanat)