Уйғур елидә ишқа орунлишиш вәзийитидә тәңпуңсизлиқ көрүлмәктә


2006.11.21
Share on WhatsApp
Share on WhatsApp

Йеқинқи йиллардин буян, уйғур елигә еқип келиватқан хитай көчмәнләр саниниң көпийиши билән, уйғур елидики ишсизлиқ мәсилиси барғансери еғирлашқан. Һазир болса бу хил ишсизлиқ мәсилисидин башқа йәнә, ишқа орунлишиштиму еғир тәңпуңсизлиқ йүз беришкә башлиған.

Уйғур аптоном районлуқ кадирлар назарити елан қилған санлиқ мәлуматта көрситилишичә, һазир уйғур елидики алий мәктәп пүттүргән оқуғучиларниң 65% кә йеқини үрүмчи, санҗи вә шихәнзә қатарлиқ 3 шәһәрдә ишләшни халайдикән. Шундақла буларниң ичидә үрүмчиниң өзидә ишқа орунлашмақчи болуватқанларниң өзила 53 % ни игилигән болуп, җәнубий районларда ишқа орунлишиватқанлар нисбити пәқәт 13% әтрапида икән.

Хәвәрдә ейтилишичә, һазир уйғур елидики алий мәктәп пүттүргән оқуғучиларниң мутләқ көп қисми иқтисади тәрәққи қилған шәһәрләрдә ишләшни халайдиған болуп, тәрәққий қилмиған намрат районларға берип ишләшни халимайдикән.

Радиомизниң һәқсиз ленийисигә келиватқан телефонлардин мәлум болушичә, уйғур елидики алий мәктәп пүттүргән оқуғучилар арисида, хизмәткә орунлишиватқанларниң көп сандикиси хитай оқуғучилири болуп, уйғур оқуғучиларға асасий җәһәттин хизмәт йоқ дийәрлик икән. (Меһрибан)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.