Uyghur yashlar xitay ölkiliride, xitay medikarlar Uyghur élide ishqa orunlashmaqta


2007-04-12
Share

Uyghur élide mewjüt ishsizliq mesilisi intayin éghir boluwatqan bir peytte, xitay ölkiliridin kelgen medikarlarni ish pursitige ige qilidighan siyaset, belgilimiler we pa'aliyetler yolgha qoyulmaqta.

12 ‏- April küni, shinjang gézitide, chöchek shehiri tinchliq kochisi qurulush rayoni hemde emgek kapalet ponkitining, xitay ölkiliridin kelgen medikar ishchilargha, xizmet orunlirining ishchi ishlitish ehwalliri shuningdek hökümetning munasiwetlik siyaset we belgilimilirini tonushturush pa'aliyiti élip barghanliqi heqqidiki xewerni élan qildi.

Xitay axbarat wastilirida bérilgen xewerler, shuningdek istansimizning biwaste igiligen melumatliridin qarighanda, nöwette Uyghur yash qizliri, türküm - türkümlep xitay ölkilirige ishqa orunlashturulush bahanisda yötkep kétiliwatqan bolup, gerche bu xitay hökümitining, ishsiz yashlarni ishqa ige qilish, kembeghel déhqanlarni halliq sewiyige yetküzüshdin ibaret ghemxorluq siyasiti dep teshwiq qilinsimu, emma yenila nurghunlighan Uyghurlar, buning Uyghurlarni assimilyatsiye qilish qedimini tézlitishtiki yene bir chare ikenlikini körsetmekte.

Közetküchiler, Uyghur qizlarning xitay ölkiliride ige - chaqisiz qélip, yaman aqiwetlerge uchrighandin sirt, xitayda yüz bériwatqan er ‏- ayal tengpungsizliq krizisining qurbanigha aylinip kétishidin endishe qilishmaqta.

Dunya Uyghur qurultiyi yétekchilikidiki barliq Uyghur kishilik hoquq teshkilatliri, xitay ölkilirige élip kétiliwatqan Uyghur qizlargha néme üchün öz yurtliridin ish bérilmeydighanliqini, belki xitay ölkiliridin kelgen medikarlargha bolsa Uyghur élide ish qilish pursitining keng ikenlikini otturigha qoyup, Uyghur élide yüz bériwatqan bu hadisining ashkara kéngeymichilik siyasiti hésablinidighanliqini we buni dunya jama'etchilikige ashkarilaydighanliqini bildürmekte. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet