Xitayning namrat Uyghur déhqanlirini yölesh siyasiti qandaq ijra qiliniwatidu?


2007-06-21
Share

Xitay axbarat wastilirining 21 ‏- iyun künidiki xewiride, Uyghur élining yéza ‏- qishlaqlirida 1 milyon 290 ming kishining namratliqta yashaydighanliqi, shunga hökümetning déhqan - charwichilarni menpe'etlendüridighan " elrayi qurulushi" élip bérishni pilanlawatqanliqi élan qilindi.

Istansimizning biwaste Uyghur déhqanlardin igiligen melumatliridin qarighanda, Uyghur élining jenubidiki yéza ‏- qishlaqlardiki déhqanlarning turmushi intayin nachar bolup, nurghun déhqan a'iliside hetta éléktir tokimu yoq bolup, hetta qorsaq toyghuzushqa madari yetmeydighan déhqanlarmu bar iken.

Xitay da'iriliri yene, namrat Uyghur déhqanlirini halliq sewiyige yetküzüsh shu'ari bilen, her bir déhqan a'ilisidin qizlarni asas qilghan emgek küchlirini xitaydiki zawutlargha orunlashturmaqta. Bu heriket weten ichi we sirtidiki Uyghurlarning qattiq naraziliqini qozghash bilen birge, xitay ölkiliride ishlewatqan Uyghur qizlirining türlük qismetlerge duchar boluwatqanliqi ashkarilanmaqta.

Xewerlerge qarighanda, yéqinda yeken nahiyisidin xitayning xeyyang shehirige élip kétilgen besh qiz, zawuttiki bésimlargha berdashliq bérelmey, Uyghur tijaretchilerning yardimi astida ürümchige qéchip kelgen. Bu qizlar nahiye we yéza bashliqlirining bir yilliq toxtamni buzghanlargha éghir jerimane tölesh séliqidin qorqup, öz yurtlirigha baralmay temtirep yürüshmekte iken. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet