قانات ئىسلام جۈمە كۈنى ئولىمپىك بوكس تۈرىنىڭ يېرىم ھەل قىلغۇچ مۇسابىقىسىگە چۈشىدۇ

ئۇيغۇر ئاپتونوم رايونىغا ۋاكالىتەن ئولىمپىكنىڭ بوكس تۈرىگە قاتنىشىۋاتقان قانات ئىسلام، بوكس تۈرىنىڭ ئوتتۇرا دەرىجىلىكلەر چارەك ھەل قىلغۇچ مۇسابىقىسىدە باھاما ماھىرى تورېنو جونسوننى يەڭگەندىن كېيىن، جۈمە كۇبا ماھىرى كارلوس بانتېكس سۇئارېز بىلەن يېرىم ھەل قىلغۇچ مۇسابىقىگە چۈشىدۇ. بۇ ئۇيغۇر ئاپتونوم رايونى بوكس ماھىرىنىڭ تۇنجى قېتىم ئولىمپىك مۇسابىقىسىدە يېرىم ھەل قىلغۇچ مۇسابىقىگە قاتنىشىشىدۇر.
مۇخبىرىمىز ئەركىن خەۋىرى
2008.08.21

  ئەتىكى مۇسابىقىنىڭ ئەھمىيىتى زور بولۇپ، ئەگەر ئۇ كۇبا ماھىرىنى يېڭىۋالسا بۇ ئۇيغۇر ئىلى خەلقى ئۈچۈن زور ۋەقە بولۇپ قېلىشى مۇمكىن. بۇ يىل 23 ياشلاردىكى قازاق پەرزەنتى قانات ئىسلام، فرانسىيە ئاگېنتلىقىنىڭ مۇخبىرىغا بەرگەن باياناتىدا " ئەگەر غەلىبە قىلسام بۇ شىنجاڭ خەلقى ئۈچۈن زور شان ‏ - شەرەپ بولۇپ قالاتتى " دەيدۇ. لېكىن ئۇ يەنە " مەن مېدالنى كۆپ ئويلىماسلىققا، قانداق قىلىپ ئۆزەمنىڭ پۈتۈن ئىقتىدارىمنى نامايەن قىلىشقا تىرىشىۋاتىمەن " دەپ تەكىتلىگەن.

قانات ئىسلامنىڭ يېرىم ھەل قىلغۇچ مۇسابىقىگە چىققانلىقى ئۇيغۇر ئىلى خەلقىنى زور ھاياجانغا سالغان. قانات ئىسلامنىڭ ترىنېرى ئابلىكىم ئابدۇرېشىت مۇنداق دەيدۇ": بۇ غەلىبىنىڭ ئەھمىيىتى ناھايىتى زور. چېگرا رايوندىكى بىر ئاز سانلىق مىللەتنىڭ ئولىمپىك مېدالىغا ئېرىشىشى ۋەتەننىڭ قۇدرىتىنى نامايەن قىلىدۇ." ئۇ يەنە، " بۇ يالغۇز شەخسىنىڭ غەلبىسى ئەمەس، بەلكى بۇ پۈتۈن گۇرۇپپىنىڭ شۇنداقلا پۈتۈن رايوننىڭ غەلىبىسى" دەيدۇ.

قانات ئىسلامنىڭ بوكس تۈرىدە يېرىم ھەل قىلغۇچ مۇسابىقىگە قاتنىشىش سالاھىيىتىنى قولغا كەلتۈرگەنلىكى تەنتەنە قىلىنىۋاتقان پەيت، خىتاي ھۆكۈمىتى ئۇيغۇر ئېلىدە ئۇيغۇر قارشىلاشقۇچى كۈچلىرىنى ژاندارما قىسىملار ۋە ھۆكۈمەت ئورگانلىرىغا ھۇجۇم قىلىپ، ئۆلۈم - يىتىم ۋەقەلىرىنى پەيدا قىلىش بىلەن ئەيىبلىگەن شۇنداقلا رايوندا ۋەزىيەت ناھايىتى جىددىي ئەھۋالدا تۇرۇۋاتقان مەزگىلگە توغرا كەلدى.

ﻣﯘﻧﺎﺳﯩﯟﻩﺗﻠﯩﻚ ﺧﻪﯞﻩﺭﻟﻪﺭ
ئۇيغۇر خەۋەرلىرى
پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.