Isma'il tiliwaldi Uyghur élige ziyaretke kelgen yawrupa itipaqining xitayda turushluq bash elchisi bilen körüshken

Isma'il tiliwaldi, en gawshinggha Uyghur élining ehwalini tonushturup, shinjangda islahat échiwitish yolgha qoyulghandin buyan, alemshumul özgirishlerning meydan'gha kelgenliki, her millet xelqining turmush sewyisining üzlüksiz yuqiri kötürülup, ittipaq we xatirjem yashawatqanliqini bildürgen. Isma'il tiliwaldi yene yawrupa ittipaqigha eza döletlerdiki, karxanilarning aptunum rayon'gha tekshürüshke kélishini soda jehette kéngiship, meblegh sélishini ümid qilidighanliqini körsetken.

Biraq dunya Uyghur qurultiyining bayanatchisi dilshat rishit, isma'il tiliwaldining en gawshinggha aldamchiliq wastisi ishletkenlikini ilgiri sürdi. U sözide yene, xitay hökümiti teyinligen qorchaq Uyghur rehberliri, tashqi dunyagha sherqiy türkistan'gha sélin'ghan bina imaretlerni desmiyi qilip körsitip, bu rayonning uchqandek tereqqi qilghanliqini teriplep, xitay hökümitining siyasiti astida yüriki mujulup sükütte turghan Uyghur xelqini, ténch , ittipaq we muqim yashawatidu dep siyasiy oyun oynawatqanliqini tekitlidi. (Eqide)