Ismayil tiliwaldi nurmuhemmet yasin qatarliq ikki Uyghur yazghuchining qolgha élin'ghanliqini étirap qildi

Uyghur aptonom rayoni qurulghanliqining 50 yilliqi munasiwiti bilen peyshenbe küni béyjingda ötküzülgen axbarat élan qilish yighinida, Uyghur aptonom rayonining re'isi ismayil tiliwaldi, nurmuhemmet yasin qatarliq ikki Uyghur yazghuchining qolgha élin'ghanliqini étirap qildi.

Ismayil tiliwaldi yighinda, xongkongdiki "wénxuy géziti" muxbirining yazghuchilarni qolgha élish xewirining rastliqi toghrisida sorighan so'aligha jawab bérip, özlirining heqiqeten bu ikki yazghuchini qolgha alghanliqini, shundaqla buningdek shé'ir yaki powést yézish usuli bilen bölgünchilik qilidighan we milletlerning ittipaqliqigha buzghunchiliq qilidighan heriketlerning xitayda qanuniy yol bilen jazagha tartilidighanliqini eskertti.

Ismayil tiliwaldi sözide yene, bundaq kishilerning Uyghur élide köp sanni igilimeydighanliqini, hazir bundaq kishilerge her millet xelqining ortaq qarshi turidighanliqini,shundaqla ulargha kishiler kochida qalghan chashqanni urghandek, körgenla yerde qarshi turidighanliqini bildürdi .

Uyghur sha'iri we yazghuchi nurmuhemmet yasin, "qeshqer edebiyati" zhornilining 5 - sanida "yawa kepter" namliq esirini élan qilghandin kéyin, xitay hökümiti bu eserge "bölgünchilik" idiyisi singgen dep eyiblep, aptor nurmuhemmet yasinni 10 yilliq qamaq jazasigha höküm qilghan idi. Bu eser yéqinda, "erkin asiya radi'osi" teripidin xitay we én'gliz tillirigha terjime qilindi. (Peride)