Isma'il tiliwaldi yéngi yil nutiqida Uyghurlargha tehdit saldi

Uyghur aptonom rayonining re'isi isma'il tiliwaldi yéngi yil munasiwti bilen yéngi yil nutuqi sözlep, yéngi bir yilda memliket ichi we sirtidiki xitaydin ayrilip chiqishni teshebbus qilghuchi Uyghurlargha qattiq qol siyaset tutushta bashtin axir ching turudighanliqini agahlandurdi.

Isma'il tiliwaldining eskertishiche, yéngi bir yilda "ikki qolda teng tutush, ikkili qol qattiq bolush siyasiti" dawamliq yolgha qoyulmaqchi iken. U, sözide "uch ayrilalmasliq" idiyisini turghuzush, rayonda yéngi tiptiki milletler munasiwitini mustehkemlesh we tereqqi qildurush heqqide toxtaldi.

Isma'il tiliwaldi, yéngi tiptiki milletler munasiwitining zadi qandaq munasiwet ikenlikini tepsili chüshendürmigen bolsimu, u "üch ayrilalmasliq idiyisini chongqur turghuzup, barawer, ittipaq we öz ara hemkarlishidighan inaq sotsiyalistik yéngi tiptiki milletler munasiwitini mustehkemlishimiz we tereqqi qildurushimiz kérek," deydu.

Isma'il tiliwaldi, memliket ichi we sirtidiki atalmish milliy bölgünchi küchlerning buzghunchiliq herkitige qattiq zerbe bérish we qet'i mudapi'e körüshte " ikkili qol qattiq bolush" prinsipi we her millet kadirlirigha tayinidighanliqini tekitligen. Lékin kishilik hoquq teshkilatliri atalmish "ikkili qol qattiq bolush siyasiti" emiliyette Uyghurlarning kishilik hoquqi depsende qilinishigha sewebchi boliwatidu, dep eyiplimekte. (Erkin)