Үрүмчидики мәркизи исситиш системисидин чатақ чиқип, миңлиған адәм соғуқта қалди

5 ‏- Дикабир күни хитай даирилириниң үрүмчидин бәргән хәвиридин мәлум болушичә, 4 ‏- декабир күни кәчтин башлап, үрүмчидики мәркизи исситиш системисидин чатақ чиқип 10 миңға йеқин киши соғуқта қалған һәмдә бир қисим дохтурхана вә мәктәп орунлириму зор тәсиргә учриған.

Хәвәрдә илгири сүрүлүшичә, мәзкур җайдики хуа дйән вейхуляң електир истансиси начар сүпәтлик көмүр ишләткәнликтин мәркизи исситиш системисидин чатақ чиққан икән.

Мәзкур електир истансисиниң инҗенери җаң винниң билдүрүшичә, һазир начар сүпәтлик көмүрни бир тәрәп қилиш хизмити җиддий елип берилмақта икән, лекин исситиш системисини әслигә кәлтүрүш үчүн аз дегәндә йәнә 3 күндин 5 күнгичә вақит кетидикән.

Мәзкур хәвәрдин мәлум болушичә, бундин илгири бу хил әһвал вейхулияң електир завутидин башқа йәнә бир қисим иссиқлиқ тәминләш карханилиридиму йүз бәргән. Лекин әһвал бу қетимқидәк еғир дәриҗидә болуп бақмиған. (Меһрибан)

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар