Ürümchidiki merkizi issitish sistémisidin chataq chiqip, minglighan adem soghuqta qaldi


2006-12-05
Share

5 ‏- Dikabir küni xitay da'irilirining ürümchidin bergen xewiridin melum bolushiche, 4 ‏- dékabir küni kechtin bashlap, ürümchidiki merkizi issitish sistémisidin chataq chiqip 10 minggha yéqin kishi soghuqta qalghan hemde bir qisim doxturxana we mektep orunlirimu zor tesirge uchrighan.

Xewerde ilgiri sürülüshiche, mezkur jaydiki xu'a dyen wéyxulyang éléktir istansisi nachar süpetlik kömür ishletkenliktin merkizi issitish sistémisidin chataq chiqqan iken.

Mezkur éléktir istansisining injénéri jang winning bildürüshiche, hazir nachar süpetlik kömürni bir terep qilish xizmiti jiddiy élip bérilmaqta iken, lékin issitish sistémisini eslige keltürüsh üchün az dégende yene 3 kündin 5 kün'giche waqit kétidiken.

Mezkur xewerdin melum bolushiche, bundin ilgiri bu xil ehwal wéyxuliyang éléktir zawutidin bashqa yene bir qisim issiqliq teminlesh karxaniliridimu yüz bergen. Lékin ehwal bu qétimqidek éghir derijide bolup baqmighan. (Méhriban)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet