Qirghizistan insan hoquqini qoghdash pa'aliyitining rehbiri Uyghurlarni ittipaqlishishqa chaqirdi


2005.11.20

Qirghizistanni öz ichige alghan ottura asiyadiki insan hoquqi mesililiri boyiche pikir almashturush üchün amérikigha kelgen qirghizistan insan hoquqini qoghdash komitétining re'isi ramizan dirildayéw ependi jüme küni erkin asiya radi'o istansisini ziyaret qilghanda shuningdek amérika Uyghurliri jemiyitining rehberliri bilen körüshkende qirghizistandiki Uyghurlarning ehwali hemde Uyghurlarning nöwettiki weziyiti heqqide toxtilip, Uyghurlarning buningdin kéyin öz pa'aliyetlirini téximu kücheytishi lazimliqi, ottura asiyadiki Uyghurlar bilen gherb dunyasidiki Uyghurlarning öz ara ittipaqliq we hemkarliqni ashurup, birlikte pa'aliyet élip bérish arqiliq xelq'ara jemiyetning Uyghurlarning insan hoquqliri mesiliside téximu köp qararlarni chiqirishigha tesir körsitishi lazimliqini tekitlidi.

13 Yildin buyan esqer aqayéw tüzümige qarshi turup, qirghizistanda démokratik jem'iyet qurushqa hesse qoshqan ramizan dirildayéw yene buningdin kéyin qirghizistan insan hoquqini qoghdash komitétining Uyghurlarning ishlirigha yéqindin yardemde bolidighanliqini, qirghizistandiki Uyghurlarning hergiz esqer aqayéw dewridikidek qorqushni tügitip, dadil pa'aliyet qilish arqiliq özlirining her xil arzu-pikirlirini qirghizistan prézidéntigha we insan hoquqi teshkilatlirigha sunushqa chaqirdi.

Qirghizlar bilen Uyghurlarning tarixiy kélip chiqishi ortaq bolghan tughqan türkiy qérindash xelq bolush süpiti bilen özining we bashqa qirghizistan démokratlirining Uyghurlargha yardemde bolidighanliqini bildürdi. (Ümidwar)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.