Aqsudiki da'iriler milletler ittipaqliqi éyini milliy jaylardiki bixeterlikni kücheytish bilen kütüwaldi


2005-05-02
Share

Xitay hökümiti Uyghur aptonom rayonida yilda bir ay dawamlishidighan milletler ittipaqiliqi éyini, bu yil sezgür organlar we sezgür jaylardiki bixeterlik tedbirlirini kücheytish bilen kütüwaldi.

Bu yil aqsu wilayetlik partkom milletler éyi munasiwiti bilen "aqsuda 23 - nöwetlik milletler ittipaqliqi éyini orunlashturush" toghrisida höjjet chüshürüp, "sezgür jaylar we sezgür organlarning amanliqni kücheytish, nuqtiliq nazaret astidiki shexslerni teqip astigha élishni telep qilghan. Aqsu wilayetlik partkomning höjjitidiki sezgür jaylar hökümet organlirini, meschitlerni shundaqla nopusi Uyghurlarni asas qilghan rayonlarni körsitidiken.

Sherqiy türkistan uchur merkizining ashkarilishiche, aqsu wilayetlik partkom "her qaysi kent, ahalilar komitéti, yéza- bazar we nahiye derijilik organlar bixeterlik tedbirlirini kücheytish, qoralliq bölüm, birleshme amanliq etriti we xelq eskerler tekshürüshini chingitish kérek," dep tekitligen.

Xitay hökümiti Uyghur aptonom rayonida 1982 - yildin béri her yili 5 - ayda milletler ittipaqliqini qoghdash herikiti élip barmaqta. Emma bu qétim xitay da'irilirining milletler ittipaqliqi éyida sezgür jaylar we sezgür organlarni qoghdash toghrisida tunji qétim höjjet chiqirishi bolup hésablinidu.

Amérika tashqi ishlar ministirliqining emeldari suzan solowén, 27 - aprilda ötküzülgen amérika dölet mejlisidiki ispat bérish yighinida, xitay hökümitini milletler ittipaqliqini qoghdash, atalmish üch xil küchlerge zerbe bérish qatarliq heriketler arqiliq Uyghurlargha tehdit sélish bilen eyibligen. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet