Америкида уйғур аяллири демократийә тәрбийиси йиғини ечилмақчи


2007-03-08
Share

8 - Март хәлқара аяллар байрими тәбрикилинватқан минутларда, баш штаби америкиға җайлашқан уйғур инсан һәқлири вә демократийә фонди җәмийити вә дуня уйғур қурултийиниң рәиси, бу йил йәнә нобил тинчлиқ мукапатиға намзатлиққа көрситилгән рабийә қадир ханимниң орунлаштуруши билән, 23 - вә 24 - март күнлири америка дөләтлик демократийини илгири сүрүш фондиниң залида йиғин ачмақчи.

Бу йиғинға дуняниң һәрқайси җайлиридин кәлгән 40 тин артуқ уйғур аял қатнишидикән. Бу йиғинниң ечилишидики асаси мәқсәт, инсан һәқлири вә демократийиниң асасй принсиплирини уйғур аяллириға тонуштуруш һәм уларни инсан һәқлири вә демократийә паалийәтлиригә актип қатнишишқа риғбәтләндүрүштин ибарәт икән.

Бу йиғинға йәнә, америка һөкүмәт хадимлири вә инсан һәқлири мутәхәсссилириму қатнишидиған болуп, улар димократийә вә инсан һәқлири буйичә лексийә сөзләп тәрбийиләш илип баридикән. Бошүн ахбарат торида, дуня уйғур қурултийиниң баянатчиси дилшат ришит мунуларни билдүргән: әсли бу йиғинға уйғур елидин кәлгән аялларниму қатнаштурушни арзу қилған болсақму, улар келишкә амалсиз қалди. Шуңа бу йиғинға қатнишидиғанларниң көпинчиси явропа вә орта асиядин кәлгән уйғур аяллиридур.

У йәнә, дуня уйғур қурултийиму 8- март хәлқара аяллар байримини тәбрикләймиз. Шуниң билән бирликтә, хитай һөкүмити уйғур аяллириниң һәқ-һоқуқини һөрмәт қилип, хизмәт, тәрбийилиниш, тәрәққи қилиш вә пәрзәнтлик болуш җәһәтләрдә дуня җамаәтчиликигә бәргән инсан һоқуқлирини қоғдаймиз дегән вәдилирини әмәлийәттә көрситиши керәк дәйду. (Җүмә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт