Amérikida Uyghur ayalliri démokratiye terbiyisi yighini échilmaqchi

8 - Mart xelq'ara ayallar bayrimi tebrikilinwatqan minutlarda, bash shtabi amérikigha jaylashqan Uyghur insan heqliri we démokratiye fondi jem'iyiti we dunya Uyghur qurultiyining re'isi, bu yil yene nobil tinchliq mukapatigha namzatliqqa körsitilgen rabiye qadir xanimning orunlashturushi bilen, 23 - we 24 - mart künliri amérika döletlik démokratiyini ilgiri sürüsh fondining zalida yighin achmaqchi.

Bu yighin'gha dunyaning herqaysi jayliridin kelgen 40 tin artuq Uyghur ayal qatnishidiken. Bu yighinning échilishidiki asasi meqset, insan heqliri we démokratiyining asasy prinsiplirini Uyghur ayallirigha tonushturush hem ularni insan heqliri we démokratiye pa'aliyetlirige aktip qatnishishqa righbetlendürüshtin ibaret iken.

Bu yighin'gha yene, amérika hökümet xadimliri we insan heqliri mutexesssilirimu qatnishidighan bolup, ular dimokratiye we insan heqliri buyiche léksiye sözlep terbiyilesh ilip baridiken. Boshün axbarat torida, dunya Uyghur qurultiyining bayanatchisi dilshat rishit munularni bildürgen: esli bu yighin'gha Uyghur élidin kelgen ayallarnimu qatnashturushni arzu qilghan bolsaqmu, ular kélishke amalsiz qaldi. Shunga bu yighin'gha qatnishidighanlarning köpinchisi yawropa we orta asiyadin kelgen Uyghur ayalliridur.

U yene, dunya Uyghur qurultiyimu 8- mart xelq'ara ayallar bayrimini tebrikleymiz. Shuning bilen birlikte, xitay hökümiti Uyghur ayallirining heq-hoquqini hörmet qilip, xizmet, terbiyilinish, tereqqi qilish we perzentlik bolush jehetlerde dunya jama'etchilikige bergen insan hoquqlirini qoghdaymiz dégen wedilirini emeliyette körsitishi kérek deydu. (Jüme)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar