Uyghur ayal wekilliri, démokratiye terbiyisi yighinigha qatnishish üchün amérika paytexti washin'gton'gha yétip keldi


2007-03-22
Share

Bash shtabi amérikigha jaylashqan Uyghur insan heqliri we démokratiye fondi jem'iyiti, dunya Uyghur qurultiyining re'isi rabiye qadir xanimning orunlashturushi bilen, 23-we 24- mart künliri amérika döletlik démokratiyini ilgiri sürüsh fondining zalida yighin achidu. Démokratiye terbiyisi yighigha qatnishish üchün dunyaning herqaysi jayliridin kelgen Uyghur ayal wekilliri, amérika paytexti washin'gton'gha kélip boldi.

Yighin 23 ‏- mart jüme küni chüshtin kéyin bashlinidu. Yighindin burun wekiller etigen sa'et 9:00 da amérika kon'grési ishxana binasini ziyaret qilish pa'aliyiti élip baridu. Ziyaret ayaqlashqandin kiyin yighin dunya Uyghur qurultiyi re'isi, Uyghur insan heqliri pa'aliyetchisi rabiye qadir xanimning kütüwélish nutuqi bilen resmiy bashlinidu.

Bu yighin'gha dunyaning herqaysi jayliridin kelgen 40tin artuq Uyghur ayal qatnishdighan bolup, yighin wekilliri mushu heptining otturiliridin bashlap amérikining paytexti washin'gton'gha kélishke bashlidi.

Bu yighinning échilishidiki asasi meqset, insan heqliri we démokratiyining asasy prinsiplirini Uyghur ayallirigha tonushturush hem ularni insan heqliri we démokratiye pa'aliyetlirige aktip qatnishishqa righbetlendürüshtin ibaret iken.

Bu yighin'gha yene, amérika hökümet xadimliri we insan heqliri mutexessislirimu qatnishidighan bolup, ular démokratiye we insan heqliri boyiche léksiye sözlep terbiyilesh ilip baridiken.

Yighin ayaqlashqandin, 24 -mart kech sa'et 7 din 11giche jorj meyson uniwérsitétida Uyghur medeniyiti namayan qilin'ghan kechlik ziyapet bérilip noruz bayrimi tebriklinidu.

Bu qétimqi terbiyilesh pa'aliyiti peqet bir qétimliq addi yighilish bolmastin, belki dunyaning herqaysi jaylirida Uyghurlarning insan heqliri we milliy mewjutluqi üchün harmay-talmay köresh qiliwatqan Uyghur xanim-qizlirining we anilirining oz-ara uchriship tejribe almashturidighan we téximu ilgirligen halda dunyawi alaqe tori hasil qilidighan mol mezmunluq medeniyet pa'aliyiti iken. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet