92 Neper oqughuchini b tipliq jiger késili sewebidin mekteptin toxtatti


2005.11.16
Share on WhatsApp
Share on WhatsApp

Shinjang uniwérsitéti bu yil yéngi oqushqa kirgenlerning arisida 92 neper oqughuchini, b tipliq jiger késilige giriptar bolghanliqi üchün bir yil mekteptin toxtatqan.

Xitay xewer agéntliqining melum qilishiche, bu oqughuchilar hazir yurtlirigha qaytish aldida turghan bolup, ularning oqushqa kirish salahiyiti bir yil saqlinidiken. Bu bir yil ichide ularning késili saqiyip, tekshürüshtin ötse, ular mektepke qayta oqushqa kirse bolidiken. Eger ularning késili yenila saqaymisa, u chaghda ularning oqushqa kirish salahiyiti pütünley élip tashlinidiken.

Xewerdin melum bolushiche, adette shinjang uniwérsitétida oqughuchilarni mushu sewebtin mekteptin toxtitidighan ehwal bar bolsimu, lékin bu yil toxtitilghan oqughuchilarning sani eng köp bolghan bir yil iken. Shundaqla ilgiriki xatirilerge asaslan'ghanda, oqughuchilarning bir yil ichide bu késeldin teltöküs saqiyishi teske chüshidiken.

Lékin, xewerde bu oqughuchilar we ularning milliti toghrisida tepsiliy melumat bérilmigen. Gerche oqughuchilar we bir qisim ziyaliylar mektepning bu qararidin narazi bolsimu, lékin shinjang uniwérsitéti mekteptiki qalghan 35 ming oqughuchining salametlikini nezerde tutqanda, bu qararning toghra chiqirilghanliqini tekitligen. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet