Jiger yallughi sewebidin a'ilisige qayturulghan oqughuchilar üchün ikki ming kishilik imza toplandi
2006.12.29
Xitay boyiche 2000 din artuq kishi we ammiwi teshkilatlar peyshenbe küni Uyghur aptonom rayonining merkizi ürümchide bu yil 9 - ayda jiger yallughi késelliki sewebidin a'ilisige qayturuwétilgen 19 neper oqughuchining mesilisige köngül bölüsh toghrisida sehiye ministirlikige birleshme imzaliq xet yézip, sehiye ministirlikining bu weqeni éniqlishini we aydinglashturup bérishini telep qildi.
Xitay chong qururliqidiki yi rénping uchur mulazimet ornining ashkarilishiche, xitayning memliket ichidiki bezi ammiwi teshkilatlar, shexsler we tor betliri sehiye ministirlikini yuqiriqi 19 neper oqughuchigha munasiwetlik tibbiy mesililer üstide tekshürüsh élip bérish we bu oqughuchilarning késili toghrisida ilmiy chüshenche bérishni telep qilghan.
Birleshme imzaliq xette, Uyghur aptonom rayoni da'irilirini axbarat élan qilish yighini chaqirip, b tipliq jiger yallughi we oqughuchilarning késili toghrisida ilmiy bolmighan xata melumat bérish, ürümchi sheherlik ma'arip idarisining késel oqughuchilarni mekteptin qayturush qararigha qarshi turghan ürümchidiki" qar leylisi" teshkilatini taqiwétish bilen eyibligen.
Birleshme imzaliq xetke 2150 kishi qol qoyghandin sirt, yene bezi ammiwi teshkilatlarning qollishigha érishken. Ular Uyghur aptonom rayoni da'irilirini 19 neper oqughuchining késilini bahane qilip, ularning telim - terbiye élish hoquqini dexli - teruz yetküzdi, dep eyiplimekte. (Erkin)
Munasiwetlik maqalilar
- Jiger yallughi bilen yuqumlan'ghan oqughuchilarning ata -anisi bésim astida erzini qayturuwélishqa mejbur boldi
- Jiger yallughigha giriptar bolghuchi dawager yash ösmürler hökümetning bésimida erzini qayturuwaldi
- Jiger yallughi késellikige giripdar bolghuchi dewager oqughuchilar a'ile tawabi'ati hökümetning bésimigha uchridi
- Dawager ata - anilar "jiger yallughigha giriptar oqughuchilar dawasida" saqchilarning bésimigha uchrighanliqini iqrar qildi
- Ma'arip nazariti jiger yallughigha giripdar bolghan oqughuchilarni oqushtin heydigenlikini aqlidi