Ürümchi 15 - ottura mekteptiki jiger yallughi bilen yuqumlan'ghan oqughuchilarning köpchiliki yurtigha qayturuldi


2006-10-20
Share

Ürümchi sheherlik 15 - otttura mektepte b tiptiliq jiger yallughi bilen bilen yuqumlan'ghanliqi bayqalghan 19 neper oqughuchining köpchiliki mektepdin chékindurulup yurtigha qayturuldi. Lékin Uyghur aptonom rayonining jenubidiki chet yézidin 15 - ottura mektepke oqumaqchi bolup kelgen ikki Uyghur oqughuchi yéqin'ghiche yurtigha qaytip ketmigen.

Melumatlargha qarighanda b tipliq jiger yallughi bilen yuqumlan'ghan 19 neper ösmürning 10 nepiri Uyghur oqughuchilar iken. Ürümchidiki qar leylisi eydiz telim - terbiye we tetqiqat orni - 10 ay kirgendin béri bu ikki Uyghur oqughuchining oqush hoquqini qoghdash pa'aliyiti qozghap, jem'iyette seperwerlik pa'aliyiti élip barghan bolsimu, lékin aptonom rayon da'iriliri peyshenbe küni bu organni pichetlidi.

Mezkur organ bu ikki Uyghur oqughuchining kemsitishke uchrawatqanliqini ilgiri sürüp, mektep we ma'arip da'irilirini eyibligen we jem'iyetning bu mesilige arilishishini telep qilghan. Mezkur organning mes'uli chang kün, Uyghur oqughuchilarning a'ilisi namrat déhqanlar bolsimu, lékin medeniyetning némilikini chüshen'gechke perzentlirini oqutushta ching turmaqta, deydu. Bu ikki oqughuchining hazirghiche qayturulghan yaki qayturulmighanliqi éniq emes.

Lékin qar leylisi teshkilatining 2 - öktebir küni élan qilghan uchurida eskertilishiche, mektep da'iriliri bu ikki oqughuchigha qaytip kétishni telep qilip tehdit salghan. Eger ata - anisi oqughuchilarni waqtida élip ketmise, aptuwuzgha sélip yurtigha yolliwitidighanliqini agahlandurghan. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet