22 - Yanwar küni Uyghur aptonom rayonluq ayallar birleshmisi mexsus xewer élan qilip, hazir Uyghur élide, qanun'gha xilapliq qilip, jinayi ishlar bilen shughulliniwatqan yash ösmürlerning barghanséri köpiyiwatqanliqini hemde buning éghir bir ijtima'iy mesilige aylan'ghanliqini otturigha qoyghan.
Aptonom rayonluq jama'et xewpsizlik idarisining sanliq statistikisidin melum bolushiche, 2005 - yili Uyghur élidiki jinayi ishlar bilen shughullan'ghan yash ösmür balilarning nisbiti 2000 - yiligha sélishturulghanda, 20% örligen, bolupmu Uyghur élidiki öy makansiz yürgen sergerdan balilarning jinayi ishlar délosi 2000 - yilidikidin bir hesse köpeygen.
Dunya Uyghur qurultiyining bayanatchisi dilshat rishit ependi "Uyghur élidiki sergerdan balilar heqiqeten köpeymekte, bu xitay hökümitining Uyghurlarning iqtisadiy tereqqiyatini yoq qilish arqiliq, namrat Uyghur a'ililirini köpeytiwetkenlikidin kélip chiqqan " dep tekitlep, "emeliyette Uyghur élide jinayi ishlar bilen shughulliniwatqan xitay köchmenlirining perzentliri Uyghur perzetliridinmu köp sanni igileydu. Lékin xitay hökümiti mezkur rayonda, zerbe bérish herikitini asasen Uyghurlargha qaratqanliqtin, jama'et amanliqini qoghdash xadimlirimu jinayi ishlargha a'it délolirida, Uyghur perzentlirini asasi orun'gha qoyghan" dep körsetti.
Dunya Uyghur qurultiyining bayanatchisi dilshad rishit ependi sözide yene " xitay hökümiti 'qarshi küchler shinjangdiki yash ösmürlerni bölgünchilik we buzghunchiliq qilish ishlirigha salmaqta' dep biljirighan, emeliyette Uyghur perzentliri xitay hökümiti yürgüzüwatqan siyasiy bésimlar tüpeylidin, türlük kemsitishlerge uchrimaqta. Ular kichikidin erkinlikke teshna bolmaqta" dep bildürdi. (Méhriban)
Munasiwetlik maqalilar
- Uyghur élide ishqa orunlishish weziyitide tengpungsizliq körülmekte
- Uyghur aptonom rayonida 2 milyondin artuq emgekchi ishsiz tursimu, bu yil ichkiridin 2 milyondin artuq ishlemchi kélip ishligen
- Béyjing hökümiti ochuq - ashkara halda xitay oqutquchilirini Uyghur élide ishleshke ewetmekte
- Uyghur éligha yene bir türküm xitay oqughuchiliri orunlashturuldi
- Xitaydiki 4 milyon aliy mektep oqughuchisining xizmet tépishi tes bolmaqta
- Gülistan eziz: “Ikkinchi wetinim-yaponiyeni xitay tehtididin agahlandurush we qoghdash méning burchum”
- D u q pütün dunyadiki Uyghurlarni “5-Iyul ürümchi qirghinchiliqi” ning 13 yilliqini xatirileshke chaqirdi
- Türkiye bilen qazaqistanning b d t kishilik hoquq aliy kéngishining 50-qétimliq yighinida Uyghur mesilisini tilgha élishi némidin bisharet béridu?
- “Qanliq shawgu'en weqesi” ning 13 yilliq xatire küni: “Dunya bu weqeni untup qalmasliqi kérek”
- Xitay qaramayda tunji bolup sinaq qiliwatqan eqliy iqtidarliq charlighuchi mashina qandaq nerse?
