Үрүмчидә, яш қурамиға йәтмигәнләрниң дело ишлирини бир тәрәп қилиш ишханиси қурулди

Хитай даирилириниң үрүмчидин бәргән хәвиридин мәлум болушичә, үрүмчи сайбағ районлуқ тәптиш мәһкимисидә, уйғур елидики яш қурамиға йәтмигән балиларниң делолирини бир тәрәп қилиш ишханиси қурулған. Хәвәрдә ейтилишичә, мәзкур яш ‏- өсмүрләрниң дело ишлири билән мунасивәтлик болған бу ишхана илгирики тәрбийиви хизмәт қилиш ишханиси билән пәрқлиқ болуп, униң вәзиписи бундин кейин мәхсус өсмүрләргә аит делоларни беҗириш икән.

Үрүмчидики алий сот мәһкимисиниң мунасивәтлик бәлгилимилиридә хәлқ тәптиш мәһкимисидә мәхсус яш‏- өсмүрләрниң дело ишини бир тәрәп қилиш бөлүми яки оргини қурулуш керәк " дәп бекитилгән.

Қанун мутәхәссислириниң билдүришичә, хитай һөкүмитиниң уйғур елидә яш қурамиға йәтмигән балиларниң дело ишлирини бир тәрәп қилиш ишханиси қурулушидики сәвәб, бир тәрәптин уйғур елидә өсмүрләргә аит җинайи ишларниң көпийиватқанлиқидин болса, йәнә бир тәрәптин хитай һөкүмитиниң уйғур елидики яш ‏- өсмүрләрни сөз, һәрикәт җәһәттин техиму қаттиқ контрол қилип, уларни йеқиндин көзитишни мәқсәт қилған икән. (Меһрибан)