Хитай җинайи қачқунлири уйғур елини ува қилмақта


2006-09-27
Share

Үрүмчи томур йол җамаәт хәвпсизлик идариси бу йил башлинип 9 - айғичә қачақтики еғир җинайәткарлардин 231 нәпәрни қолға чүшүргән болуп, кишини чөчитидиғини уларниң 208 нәпири хитай өлкилиридә адәм өлтүрүш, булаңчилиқ, оғрилиққа охшаш еғир җинайәтләрни өткүзүп қечип йүргән хитай җинайәтчиләр икән.

Төмүр йол сақчи идарисиниң бир мәсули шинхуа мухбириға "биз хитай өлкилиридә җинайәт өткүзүп уйғур елигә қечип келиватқан җинайәтчиләрдин җиқ болғанда күнигә төтни тутимиз, қолға алған җинайәтчиләрниң 90% ни мушуниңға охшаш шинҗаңниң сиртидин кәлгән қачақтики еғир җинайәт өткүзгәнләр игиләйду, уйғур елигә қечип кәлгән һәр бир җинайәтчи худди партлатқуч бомба, уларниң уйғур елидә қайта җинайәт садир қилиш еһтималлиқи интайин күчлүк" дегән.

Униң билдүрүшичә, нөвәттә барлиқ җамаәт хәвпсизлик даирилири интернет тори арқилиқ җинайәт садир қилип қачқанларни тутуш торини һасил қилған болсиму, әмма хитайдики җинайәтчиләр йәнила уйғур елини хитай өлкилиридин йирақ, йери кәң, қатнаш қолайсиз юшурунушқа әң әплик җай дәп, қанун ториға чүшмәслик үчүн қечип келидикән.

Тоққуз ай ичидә уйғур елигә қечип кәлгән җинайәтчиләрдин тутулғанлири 151 нәпәр болуп уларниң көпинчиси гәнсу, хенән, сичуән, җяңсу, шәнши қатарлиқ җайлардин болуп, 15 и адәм өлтүрүш җинайити өткүзгән, башқилириму шуниңға охшаш еғир җинайәтләрни өткүзүп қечип йүргән болуп, бәзи җинайәтчиләрниң қечип йүргинигә һәтта 13 йил болған. (Гүлчеһрә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт